ඕස්ටේ්රලියානුවන්ගේ පරාජයට හේතූන් කෙතරම් සදාචාරාත්මකද ?
පසුගියදා ශ්රී ලංකාවේ ටෙස්ට් හා එක්දින තරඟාවලියට සහභාගි වූ ඕස්ටේ්රලියා ක්රිකට් කණ්ඩායම සිකුරාදා (23* දකුණු අප්රිකාව සමග එක්දින තරඟයකින් දකුණු අප්රිකා ක්රිකට් සංචාරය ඇරඹීය.
ප්රථම තරඟය සඳහා ජොහානස්බර්ග් නුවර සෙන්චුරියන් පාර්ක් වෙත පැමිණි ඕස්ටේ්රලියා කණ්ඩායමට මාධ්යවේදීන්ගේ ප්රශ්ණ වැලකට පිළිතුරු දීමට සිදුවිය.
ශ්රී ලංකාවේ පැවති ටෙස්ට් තරඟාවලියේදී තරඟ 3 – 0 කින් පරාජයට පත්වීම් පිළිබඳව විමසූවිට ඕස්ටේ්රලියානු පුහුණුකරු ඩැරන් ලේමන් කීවේ ක්රීඩාව පවතින අතරතුර නිශ්ශබ්දව සිටීමෙන් තම කණ්ඩායමට පාඩුවක් වූ බවත් ඒ පිළිබඳව ඕස්ටේ්රලියානු නායක ස්ටීව් ස්මිත් දුක්වන බවත්ය.
ටෙස්ට් හා එක්දින කණ්ඩායම් අතර වෙනසක් පවතින බව විශ්වාස කරන ඕස්ටේ්රලියානු පුහුනුකරු අපගේ එක්දින ක්රීඩකයන් ක්රීඩා කරන අතරතුර වැඩිපුර කට පාවිච්චි කරන පිරිසක් බවද කීවේය.
ඕස්ටේ්රලියානු – දකුණු අප්රිකා කණ්ඩායම් දෙකටම මේ බැණ ගැනීම්, පරුෂ වචන, අවලාද, ශබ්ද ප්රශ්ණයක් නොවනු ඇතැයි කී පුහුනුකරු මේ කණ්ඩායම් දෙක අතර දක්නට ලැබෙන විශේෂත්වය නම් ක්රීඩා පිටිය තුළ දැඩි තරඟකාරිත්වයකින් මොවුන් ක්රීඩා කලත් ඉන් පිටත දැඩි මිතුරන් ලෙසම හැසිරීම බවය.
ශ්රී ලංකා ටෙස්ට් ක්රිකට් තරඟාවලියේදී තම ක්රීඩකයන් හරිහැටි කට පාවිච්චි කර නිශ්ශබ්දව සිටීමෙන් සිදුවුයේ තරඟාවලිය 3 – 0 කින් පරාජය වී ලජ්ජාසහගත පරාජයක් නායකයාට භාර ගැනීමට සිදුවිම යැයි ප්රකාශ කිරීමෙන් හැඟී යන්නේ කුමක්ද ?
සරලව කිවහොත් සිදුවන්නේ පිතිකරුවකු පන්දුවට පහර දෙන විට ශබ්ද කිරීම, පරුෂ වචන කිම වර්ණභේදය ඇවිස්සීම යනාදියයි. වඩා දක්ෂ කොයි කණ්ඩායමදැයි උරගා බලද්දී මෙලෙස අශෝභන ක්රියා සිදුවීම ක්රීඩකත්වයට නිගාවකි.
මෙවැනි සිදුවීම් අතීතයේදී බහුලව සිදුවුවත් වර්තමාන ක්රිකට් ක්රීඩකයින් තුළින් මෙවැන්නක් අසන්නට හෝ දක්නට ලැබෙන්නේ කලාතුරකිනි.
අතීතයේදී දකුණු අප්රිකාව තම කණ්ඩායමට කළු ජාතිකයන් ඇතුලත් කර ගැනීමෙන් වැළකී වර්ණභේදය ඇවිස්සීම මත 1980 දශකය වනතෙක් වෙනත් රටවල් දකුණු අප්රිකාව සමඟ ක්රීඩා සබඳතාවන්ද අත හැරියේය. මොනම ක්රීඩා කණ්ඩායමක්වත් එරටින් ගෙන්වා ගැනිම හෝ එරටට යැවීම රජයයන් විසින් ප්රතික්ෂේප කර තිබිණි.
දකුණු අප්රිකාව පමණක් නොව ඕස්ටේ්රලියා එංගලන්ත ක්රීඩකයන්ද තම ප්රතිවාදී ක්රීඩකයන්ව අවනම්බු වන ආකාරයෙන් හැසිරුණු අවස්ථා එමටය. මෙලෙස වැඩිපුරම අතීතයේදී හැසිරී ඇත්තේ ඕස්ටේ්රලියානු හා දකුණු අප්රිකානු ක්රීඩකයන්ය. නිතරම අවලාද වලට ලක්වන්නේද ඉන්දියා පාකිස්තාන හා ශ්රී ලංකාව වැනි ආසියාතික ක්රීඩකයෝය.
මොවුන් වැඩිපුරම අවුස්සන්නේ වර්ණභේදයයි. කල්ලා (බ්ලැකි* පලයන් (ගෙට් අවුට්* වැනි වචන බහුලව පාවිච්චි කරති. ක්රීඩා පිටිය තුළ මෙසේ කරන්නේ ඉක්මනින් පිතිකරු දවාලීමට වුවත් එය ක්රීඩාවට නම් නිඟාවකි.
එතෙරදී පමණක් නොව ශ්රී ලංකාවට පැමිණි අවස්ථාවලදීද ඔවුන් අතීතයේ එසේ සිදුකර තිබේ. එහෙත් පුදුමය නම් ශ්රී ලාංකිකයන්ටත් වඩා කලූ කොදෙව් ක්රීඩකයනට එලෙස සිදු නොකිරීමයි. කොදෙව් කණ්ඩායමේ ක්ලයිව් ලොයිඞ් හෝ විවියන් රිචඞ්ස් වැන්නවුන්ට ඔවුන් ආචාරද කරති.
ශ්රී ලංකාවෙන් බිහිවු දක්ෂ ක්රිකට් ක්රීඩකයෙකු වූ පසුව ජාත්යන්තර ක්රිකට් කවුන්සලයේ ප්රධාන තරඟ තීිරක ධූරය පවා ඉසිලූ රන්ජන්් මඩුගල්ලේ මෙවැනි අවස්ථා කිහිපයකටම මුහුණ දී ඇති අයෙකි. වරක් එංගලන්තයේ තරඟයකින් පසු නගරයේ ඇවිද යන විට පුද්ගලයෙකු මඩුගල්ලගේ ඇසට අතින් පහරදීමෙන් දින තුනක් පමණම ආබාධයකට ලක්විණි. මෙහි තරඟ පැවැත්වෙන අතරතුරදීත් මඩුගල්ලේට හා බන්දුල වර්ණපුරට ප්රතිවාදී ක්රීඩකයන් එලෙස බැණ වැදුණු අවස්ථා තිබිණි. අප ක්රීඩකයන් ඒවාට සාර්ථකව පිළිතුරු දුන් අවස්ථාද එමටය. 1975 එංගලන්තයේ පැවැති ප්රථම ලෝක කුසලාන එක්දින තරඟාවලියේදී ශ්රී ලංකාවේ දුලිප් මෙන්ඩිස් සහ සුනිල් වෙත්තමුණි ඕස්ටේ්රලියානු ආරම්භක පන්දු යවන්නන් වන ජෙෆ් තොම්සන්ට හා ඩෙනිස් ලිලීට එළව එළවා පහර දෙද්දි තොම්සන් ලිලී කළේ වර්ණභේදය ඇද ගනිමින් බැණ වැදීමයි.
මෙවැනි සිදුවීම් වත්මන් ක්රිකට් ක්රීඩාවේ දක්නට නොලැබෙන තරම්ය. එහෙත් ඕස්ටේ්රලියා වත්මන් පුහුණුකරුගේ ප්රකාශයෙන් සිදුවනුයේ නැවතත් පෙර අවධියට ඇදගෙන යාමක් නොවේද ? මහත්වරුන්ගේ ක්රීඩාවක් වන ක්රිකට් ක්රීඩාවද මහත්මා ගති ගුණ වලින් යුක්තව පවත්වාගෙන යා යුතුය.
බන්දුල මොල්ලිගොඩ
-The opinions expressed here are the views of the writer and do not necessarily reflect the views and opinions of Sri Lanka Cricket-