United States Virginia change
Sri Lanka Breaking News
Sri Lanka parliament
vivalankaSri Lanka newsSri Lanka businessSri Lanka sportsSri Lanka technologySri Lanka travelSri Lanka videosSri Lanka eventssinhala newstamil newsSri Lanka business directory
vivalanka advertising
Menu
Stay Connected
facebooktwittermobile
Popular Searches
T20 World Cup
Sponsored Links
Sri Lanka Explorer

බංග්ලාදේශය දැවැන්ත ජයග්‍රහණයක් වාර්තා කරයි

Jan 20, 2018 10:09:56 PM - srilankacricket.lk

Thanathillen Eha_1

ශ්‍රී ලංකාව හා බංග්ලාදේශය අතර ඩකා හි පැවැති තුන්කොන් ක්‍රිකට් තරගාවලියේ තවත් තරගයකදී බංග්ලාදේශය ලකුණු 163කින් ශ්‍රී ලංකාව පරදා පහසු ජයක් ලැබීය.  මෙය බංග්ලාදේශය ලැබූ දැවැන්තම ක්‍රිකට් ජයග්‍රහණයයි.

කාසියේ වාසිය දිනා මුලින් පන්දුවට පහර දුන් බංග්ලාදේශය සිය ඕවර 50 අවසානයේ කඩුලු 7ක ට ලකුණු 320ක් ලැබූ අතර, පිළිතුරු ලෙස ශ්‍රී ලංකාව ඕවර 32.2 ක දී සියලු පිතිකරුවන් දැවී ලබාගත්තේ ලකුණු 157ක් පමණකි.

පන්දු 63ක දී ලකුණු 67ක් රැස්කර, පසුව ලකුණු 47ක ට ශ්‍රී ලංකා පිතිකරුවන් තිදෙනෙකු දවාලූ ෂකීබ් අල් හසන් තරගයේ වීරයා ලෙස නම් කැරිණි.  බංග්ලාදේශය පන්දුවට පහරදීමට පැමිණි අවස්ථාවේ ආරම්භක පිතිකරුවන් දෙදෙනා ටමිම් ඉක්බාල් එනමුල් හක් දැවීයාමට අවස්ථා හතරක් පමණ ම ලබාදුන්නද, ශ්‍රී ලංකා පන්දු රකින්නන්ට එම අවස්ථාවලින් ප්‍රයෝජන ගත හැකි නොවීය.  පසුව, පිතිකරුවන් දෙදෙනා මුල් විකට්ටුවට එක්කළ ලකුණු සංඛ්‍යාව 71කි.  බංග්ලාදේශ දෙවන කඩුල්ලට ටඩීම් ඉක්බාල් සහ ෂකීබ් අල් හසන් වේගවත් ලකුණු 99ක් එක් කිරීමට සමත් විණි.

Bangladesh cricketer Tamim Iqbal plays a shot during the third one day international (ODI) cricket match of the Tri-Nations Series between Bangladesh and Sri Lanka at the Sher-e-Bangla National Cricket Stadium in Dhaka on January 19, 2018. / AFP PHOTO / MUNIR UZ ZAMAN

Bangladesh cricketer Tamim Iqbal plays a shot during the third one day international (ODI) cricket match of the Tri-Nations Series between Bangladesh and Sri Lanka at the Sher-e-Bangla National Cricket Stadium in Dhaka on January 19, 2018. / AFP PHOTO / MUNIR UZ ZAMAN

බංග්ලාදේශ පිතිකරුවන් අතුරින් දස්කම් දැක්වූ ආරම්භක පිතිකරු ටමිම් ඉක්බාල් පන්දු 102ක දී හතරේ හතක් හයේ දෙකක් සමඟ ලකුණු 84ක් ද, ෂකීබ් අල් හසන් පන්දු 63ක දී හතරේ හතක් සමඟ ලකුණු 67ක් ද, මුෂ්ෆිකර් රහීම් පන්දු 52ක දී හතරේ හතරක් හා හයේ පහරක් සමඟ ලකුණු 62ක් ද රැස් කළහ.  ශ්‍රී ලංකා පන්දු යවන්නන් අතුරින් කැපී පෙනුණු තිසර පෙරේරා ලකුණු 60ක ට කඩුලු තුනක් දවාලූවේය.  බංග්ලාදේශ කණ්ඩායමේ ලකුණු රැස් කිරීමේ වේගය ඕවරයකට සාමාන්‍ය ලකුණු 6.40කි.

ශ්‍රී ලංකාව පන්දුවට පහරදීමට පැමිණි අවස්ථාවේ දීර්ඝ සබඳතා එකක් හෝ මතු නොවීය.  ලකුණු 20 ඉක්මවා රැස් කළේ පිතිකරුවන් තිදෙනෙකු පමණි.  උපුල් තරංග පන්දු 35ක දී හතරේ තුනක් සමඟ ලකුණු 25ක් ද, දිනේෂ් චන්දිමාල් පන්දු 39ක දී හතරේ පහරක් සමඟ ලකුණු 28ක් ද, තිසර පෙරේරා පන්දු 14ක දී හයේ දෙකක්, හතරේ තුනක් සමඟ ලකුණු 29ක් ද රැස් කළහ.

ෂකීබ් අල් හසන් ලකුණු 47ක ට කඩුලු 3ක් ද, රුබෙල් හොසේන් ලකුණු 20ක ට කඩුලු දෙකක් ද දවාලූහ.

ආබාධයට ලක් ව සිටින ශ්‍රී ලංකා නායක, ඇන්ජලෝ මැතිව්ස් මෙම තරගයට සහභාගි නොවූ අතර, ඔහු ශ්‍රී ලංකා කණ්ඩායමේ මීළඟ තරගය සිම්බාබ්වේ (21) සමඟ ද තරග නොකරයි.

– බන්දුල මොල්ලිගොඩ –