වෙල්ලාලගේ තුන් ඉරියව් දක්ෂතා ජැෆ්නා කිංග්ස්ට ජය ගෙනෙයි

- srilankacricket.lk

Chamila Karawita reporting from Hambantota

පිට පිටම දෙවතාවක් එල්.පී.එල්. ශූරයින් බවට පත්ව සිටින ජැෆ්නා කිංග්ස් කණ්ඩායම, තෙවැනි තරගාවලියේ සමාරම්භ තරගයේදීත් ඉකුත් දෙවතාවේම අවසන් මහ තරග ප්‍රතිවාදීන් වූ ගෝල් ග්ලැඩියේටර්ස් පිලට එරෙහිව ලකුණු 24 ක ජයක් ලබමින් සිය ජයග්‍රාහී ආධිපත්‍ය තවදුරටත් රඳවා තබා ගැනීමට අද (06 දා) රාත්‍රියේදී සමත්විය.

කාසියේ වාසියත් සමග පළමුව පන්දු රැකීම තෝරා ගත් කුසල් මෙන්ඩිස්ගේ නායකත්වයෙන් යුතු ගෝල් ගැල්ඩියේටර් කණ්ඩායමට ලකුණ් 138 ක ඉලක්කයක් හිමි වුවත්, එය හඹා යෑමේදී ඔවුන්ට නියමිත පන්දුවාර 20 අවසනදී රැස් කරගත හැකි වූයේ සියලු දෙනා දැවී ලකුණු 113 ක් පමණි.

ගැල්ඩියේටර්වරුන් වෙනුවෙන් සාර්ථක වූ එකම පිතිකරුවා වූයේ කුසල් මෙන්ඩිස් වන අතර ඔහු පන්දු 43 කදී ලකුණු 51 ක් ලබා ගත්තේය. LPL තෙවැනි තරගාවලියේදී පිතිකරුවකු විසින් අර්ධ ශතකයක් වාර්තා කරන ලද පළමු අවස්ථාව ලෙසින් සටහන් වුණු මෙම අර්ධ ශතකය සඳහා හතරේ පහර 5 ක් කුසල් ඇතුළත් කළේය.

පළමු කඩුල්ල වෙනුවෙන් නුවනිදු ප්‍රනාන්දු සමග එක් වුණු කුසල් පන්දු 45 කදී වේගත් ලකුණු 58 ක සාර්ථක අඩිතාලමක් එක් කළද නුවනිඳුගේ (15) දැවී යෑමත් සමඟ ග්ලැඩියේටර් ඉනිම කඩා වැටීම ඇරැඹිණ. එහෙත් මැද පෙළින් පැමිණි ඉමාඩ් වසීම් ලකුණු 17 ක් රැස් කිරීමට සමත්වීම නිසා අවසන් පන්දුවාර  එළැඹෙත්ම ඔවුන්ට රැස් කිරීමට තිබුණේ ලකුණු 48 ක් වන අතර ඒ සඳහා ඔවුනට කඩුලු 6 ක්ම ඉතිරිව තිබිණ.

කෙසේ වෙතත් ජයග්‍රහණය සඳහා දවා ගත යුතුම කඩුල්ල වූ කුසල් මෙන්ඩිස්ව කඩුල්ල මුවා කිරීමේ වරදකට හසුව දවා ගැනීමට මහීෂ් තීක්ෂණ සමත්වීම නිසා එතෙක් වේලා දෙපිළටම විවෘත ව තිබූ තරගයේ වැඩි වාසිය ජැෆ්නා කිංග්ස් පිලට හිමිවිය. එතැනින් නොනැවතුණු ජැෆ්නා කිංග්ස් පන්දු යවන්නෝ ග්ලැඩියේටර් පිලේ අවසන් පිතිකරුවන් හය දෙනාම මලකුණු 13 ක් ඇතුළතදී දවා ගැනීමට සමත්වූහ.

දුනිත් ජැෆ්නා දඟ පන්දු යවන්නන් වුණු තීක්ෂණ, වෙල්ලාලගේ සහ වියස්කාන්ත් පන්දුවාරයකට ලකුණු ලබා ගැනීමේ සාමාන්‍ය 6 කට වඩා අඩුවෙන් තබා ගනිමින් කඩුලු 4 ක් දවා ගත්හ.

පිතිකරුවන්ට එතරම් වාසි දායක නොවුණු තණතීරුවේදී ජැෆ්නා පිල පන්දුවාර 19.5 කදී ලකුණු 137 කට සීමා කිරීමට ගෝල් පන්දු යවන්නන් සමත්විය. රියාස්, වසීම්, තුෂාර, ප්‍රදීප් සහ ඉෆ්තිකාර් දැවී ගිය කඩුලු 10 න් කඩුලු 2 බැගින් බෙදා ගත්හ. ආරම්භක පිතිකරුවන් දෙදෙනාම ලකුණු 11 කදී පිටියෙන්ඉවත් කළ වසීම් සහ වහාබ් යුගල ප්‍රබල අභියෝගයක් එල්ල කළහ. අනතුරුව ප්‍රදීප් සහ තුෂාර යන නුවන්ලා දෙපළ ධනංජයවත් ටොම් කැඩ්මෝර්වත් දවා ගනිමින් ජැෆ්නා ඉනිම අවුල් කළහ. මැද පෙළින් පැමිණි දුනිත් පන්දු 20 කදී හතරේ පහර 4 ක් සමග ලකුණු 30 ක් රැස් කරමින් ජැෆ්නා ඉනිම සටනක් දිය ලකුණු සංඛ්‍යාවක් කරා රැගෙන ගියේය. මෙම ඉනිම ප්‍රධාන කොට දක්වන ලද තුන් ඉරියව්වේ දක්ෂතාවය හේතුවෙන් පළමු තරගයේම අවසන් මහ තරගයේ වීරයා සම්මානයෙන්ද වෙල්ලාලගේ පිදුම් ලැබීය.

The post <strong>වෙල්ලාලගේ තුන් ඉරියව් දක්ෂතා ජැෆ්නා කිංග්ස්ට ජය ගෙනෙයි</strong><strong></strong> appeared first on Sri Lanka Cricket.

You may also like

- adaderana.lk

Convener of the Inter-University Students Federation (IUSF) Wasantha Mudalige has stated that plans are underway to stage a protest today (04 Feb.), against the 75th Independence Day celebrations.

- onlanka.com

Sri Lanka’s 75th Independence Day celebration began at the Galle Face Green this morning (February 04).The post Sri Lanka celebrates 75th Independence Day today appeared first on Sri Lanka News - Latest Breaking News in Sri Lanka - ONLANKA News.

- news.lk

The President's Office strongly rejects the false reports about diplomatic event in Kandy

- adaderana.lk

Sri Lanka has decided to erase the name ÂSlave Island from road signs, postal usage and voter registers nearly two centuries after slavery was abolished in the country.

- adaderana.lk

Prime Minister Dinesh Gunawardena has urged all citizens of Sri Lanka to work together towards the transformation and development of the country.

- adaderana.lk

President Ranil Wickremesinghe is scheduled to address the nation on the occasion of the 75th Anniversary of Independence at 06-45 p.m. today (04 Feb.).

Entertainment:View All

Technology:View All

Local News

Local News

Sri Lanka News

@2022 - All Right Reserved. Designed and Developed by Rev-Creations, Inc