ජය ශ්රී මහා බෝධීන් වහන්සේ ප්‍රමුඛ අටමස්ථාන පූජා භූමියේ සංවර්ධන කටයුතු ඇරඹෙයි
අනුරාධපුර ජය ශ්‍රීමහා බෝධීන් වහන්සේ ප්‍රමුඛ අටමස්ථාන පූජා භූමියේ සංවර්ධන කටයුතු ඊයේ ආරම්භ කෙරුණා.
රට හදන සෞභාග්‍යයේ දැක්ම පූජා භූමි සංවර්ධන වැඩසටහන යටතේ අනුරාධපුර පූජා භූමි සංවර්ධන මහා සැළැස්ම ක්‍රියාත්මක වනවා. මෙම සංවර්ධන ව්‍යාපෘතිය සඳහා වැය කෙරෙන මුදල රුපියල් මිලියන 450ක්. මෙම සංවර්ධන කටයුතු අවසන් කිරීමත් සමඟ අටමස්ථානය වැඳ පුදාගැනීමට පැමිණෙන සැදැහැවතුන් සඳහා ද පහසුකම් රැසක් සැළසෙනවා. අටමස්ථානාධිපති ආචාර්ය පූජ්‍ය පල්ලේගම සිරිනිවාස , රුවන්වැලි සෑ විහාරාධිකාරී පූජ්‍ය පල්ලේගම හේමරතන යන ස්වාමීන්වහන්සේගේ අනුශාසකත්වයෙනුයි ව්‍යාපෘතිය ක්‍රියාත්මක කෙරෙන්නේ. අමාත්‍ය එස්.එම්. චන්ද්‍රසේන රාජ්‍ය අමාත්‍යවරුන් වන ආචාර්ය නාලක ගොඩහේවා ,ෂෙහාන් සේමසිංහ යන මහත්වරුන්ගේ ප්‍රධානත්වයෙන් අටමස්ථාන පූජා භූමියේ සංවර්ධන කටයුතු ආරම්භ කෙරුණා.
The post ජය ශ්රී මහා බෝධීන් වහන්සේ ප්‍රමුඛ අටමස්ථාන පූජා භූමියේ සංවර්ධන කටයුතු ඇරඹෙයි appeared first on ITN News.
