නිශාන් මදුශ්ක දිගු ඉනිමකට සැරසෙයි

- srilankacricket.lk

ඇලෙක්ස් ලීස්ගේ වේගවත් ශතකය ප්‍රධාන කොට පළමු ඉනිම වෙනුවෙන් කඩුලු 8 ක් දැවී එංගලන්ත ලයන්ස් පිල රැස් කරන ලද ලකුණු 413 ට පිළිතුරු පළමු ඉනිම ක්‍රීඩා කරමින් සිටින ශ්‍රී ලංකා ක්‍රිකට් XI කණ්ඩායම පළමු දිනට තරගය නිමා කරන විට කඩුලු 2 ක් දැවී ලකුණු 93 ක් ලබා සිටියි.

ශ්‍රී ලංකා ක්‍රිකට් XI කණ්ඩායම වෙනුවෙන් දීර්ඝ ඉනිමකට පෙර නිමිත් පහළ කර සිටින ආරම්භක පිතිකරු නිෂාන් මදුශ්ක නොදැවී ලකුණු 56 ක් රැස් කරගෙන සිටියි. සෙසු ආරම්භක පිතිකරුවා වූ ලසිත් කෲස්පුල්ලේ දැවී යෑමත් සමඟ සැඳෑ පිතිකරුගේ වගකීම කරට ගෙන පැමිණි නිමේෂ් විමුක්තිගේ(17) දැවී යෑමත් සමග පළමු දිනට තරගය නිමා කිරීමට විනිසුරුවෝ පියවර ගත්හ. කෙසේ වෙතත් තරගයේ දෙවැනි දිනය වන හෙට දිනයේදී ශ්‍රී ලංකා ක්‍රිකට් XI කණ්ඩායමට, එංගලන්ත ලයන්ස් පළමු ඉනිම අභිබවා යෑම සඳහා තවත් කඩුලු 8 කදී ලකුණු 320 ක් අවශ්‍ය වේ.

 ශ්‍රී ලංකා ‘ඒ’ කණ්ඩායමට එරෙහිව පැවැත්වෙන තරග 2 කින් සමන්විත සිව්දින තරගාවලියට පෙර එංගලන්ත ලයන්ස් පිලට ලැබුණු පළමු සහ එකම තුන්දින පුහුණු තරගයේ පළමු දිනය අවසන් වීමට තවත් පන්දුවාර 23 ක් ඉතිරිව තිබියදී සිය ඉනිම අත්හිටුවීමට එංගලන්ත ලයන්ස් පිල තීරණය කළේය. ඒ වන විටත් පන්දුවාර 67 කට පමණක් ක්‍රීඩා කර තිබූ ලයන්ස් පිතිකරුවෝ කඩුලු 8 කට ලකුණු 413 ක තරම් දැවැන්ත ලකුණු සංඛ්‍යාවක් ගොඩනැංවීමට සමත්ව සිටියහ.

ලබන 27 වැනිදා තෙක් කොළඹ ආර්. ප්‍රේමදාස ක්‍රීඩාංගණයේ පැවැත්වෙන මෙම තරගයේදී ශ්‍රී ලංකා පන්දු යවන්නන් හමුවේ අනුකම්පා විරහිත පිතිහරඹයක් දියත් කළ එංගලන්ත ලයන්ස් පිතිකරුවෝ එක්දින තරගයක මෙන් පන්දුවාරයකට ලකුණු 6.164 ක දළ ලකුණු වේගයක් තබා ගනිමින් ලකුණු රැස් කිරීම අද දිනයේ කැපී පෙනිණ.

එංගලන්තය වෙනුවෙන් ටෙස්ට් තරග 10 කට ක්‍රීඩා කර ඇති ආරම්භක පිතිකරු ඇලෙක්ස් ලීස් එංගලන් ඉනිමේ කැපී පෙනෙනම පිතිකරුවා බවට පත් වද්දී තවත් පිතිකරුවන් සිව් දෙනෙකු අර්ධ ශතක ඉක්මවා ලකුණු රැස් කළහ. ටොම් අබෙල් (57), ජොස් බොහනන් (58), ජැක් හයින්ස් (නොදැවී 63) සහ ජෙමී ස්මිත් (50) එසේ අර්ධ ශතක වාර්තා කළ පිතිකරුවෝ බවට පත්වූහ.

දිනයේ ශතක ලාභියා වූ ආරම්භක පිතිකරු ඇලෙක්ස් ලීස් පන්දු 94 කදී සිය ශතකය සපුරා ගත්තේ පයේ පහර 2 ක් සහ හතරේ පහර 12 ක්ද සිය ඉනිමට ඇතුඅළත් කර ගනිමිනි. ළහිරු උදාරගේ සුපිරි ස්ටම්ප් කිරීම හමුවේ ලීස් දැවී යනවිට පන්දු 97 කදී වේගවත් ලකුණු 103 ක් ලබා සිටියේය.

ලයන්ස් පිතිකරුවො කෙතරම් වේගයෙන් පන්දුවට පහර දුන්නේද කිවහොත් දිවා ආහාරය සඳහා යවන ලද පන්දුවාර 24 දී ලකුණු 167 ක් රැස් කර ගැනීමට සමත්වූහ. දිවා භෝජනයට පෙර ප්‍රතිවාදින්ගේ ඩුලු 3 ක් දවා ගැනීමට ශ්‍රී ලංකා ක්‍රිකට් XI සමත්වද්දී ඉන් 2 ක් කවිඳු පතිරත්නගේ නමට ලියැවී තිබිණ. ලයන්ස් පිතිකරුවන්ගේ වේගය පාලනය කිරීම වෙනුවෙන් ශ්‍රී ලංකා ක්‍රිකට් XI  සහන් ආරච්චිගේට පන්දු යවන්නන් 10 දෙනෙකුගේ සේවය ලබා ගැනීමට සිදු වුවත් ඉන් යන්තම් හෝ සාර්ථකත්වයක් අත්කරගත්තේ වේග පන්දු යවන ජනිත් ලියනගේ පමණි. තේ පානයට පෙර කඩුලු 2 ක් දවා ගැනීමට සමත්වන ජනිත් එංගලන්ත ඉනිම අත්හිටුවීම සඳහා අවසන් වතාවට දැවී ගිය පිතිකරුවා වූ ඔලී රොබින්සන්ගේ කඩුල්ල ද ඇතුළත්ව ලකුනු 47 කට කඩුලු 3 ක් දවා ගත්තේය. ඒ හැරුනු කොට තරිඳු රත්නායක සහ කවිඳු පතිරත්න කඩුලු 2 බැගින් දවා ගැනීමට සමත්වූහ.

The post <strong>නිශාන් මදුශ්ක දිගු ඉනිමකට සැරසෙයි</strong> appeared first on Sri Lanka Cricket.

You may also like

- adaderana.lk

Sri Lanka Navy seized two large consignments of Kerala cannabis with a wet weight of more than 49kg in separate operations conducted in the seas off Jaffna on Wednesday.

- onlanka.com

A former top FBI official in New York has been arrested over his ties to a Russian oligarch, law enforcement sources told ABC News Monday.The post Former top FBI official arrested while returning from Sri Lanka appeared first on Sri Lanka News - Latest Breaking News in Sri Lanka - ONLANKA News.

- adaderana.lk

A former top FBI official in New York has been arrested over his ties to a Russian oligarch, law enforcement sources told ABC News Monday.

- news.lk

The Cooperation Afloat Readiness and Training (CARAT) – 2023 bilateral exercise successfully concluded in Sri Lanka on 26th January 2023. Hosted by the U.S. Pacific Fleet in partnership with the Sri Lanka Navy, CARAT – 2023 Exercise was held in Colombo, Trincomalee and Mullikulam from 19th to 25th January.

- adaderana.lk

The bilateral exercise titled Cooperation Afloat Readiness and Training (CARAT) 2023 successfully concluded in Sri Lanka on Thursday (Jan. 26). Hosted by the U.S. Pacific Fleet, in partnership with Sri Lanka Navy, CARAT 2023 was held in Colombo, Trincomalee and Mullikulam from January 19-25.

- adaderana.lk

Sri Lanka Police have arrested 11 suspects in total in connection with the murder of a man in Kopay.

Entertainment:View All

Technology:View All

Local News

Local News

Sri Lanka News

@2022 - All Right Reserved. Designed and Developed by Rev-Creations, Inc