අදත් දිවයින පුරා කළු විරෝධතා
රජයේ නව බදු ප්‍රතිපත්තියට එරෙහිව සංවිධාන කෙරෙන උද්ඝෝෂණ කිහිපයක් දිවයින පුරා අදත් පැවැත්වුණා.විශ්වවිද්‍යාල ආචාර්යවරුන් හා බැංකු නිලධාරීන් ද ඊට එක්ව සිටියා.
මහබැංකු විධායක නිලධාරීන්ගේ සංගමය සංවිධාන කළ උද්ඝෝෂණයක් අද පැවැත්වුණේ කොටුව ජනාධිපති මන්දිරය අසලදීයී. ජනාධිපති ලේකම්කාර්යාලය දෙසට ගමන් කිරීමට ඔවුන් උත්සාහ කළද පොලීසිය ඊට අවසර ලබා දුන්නේ නැහැ. පසුව මහබැංකුව අසළ උද්ඝෝෂණය කිරීමෙන් අනතුරුව ඔවුන් විසිර ගියා.
මේ අතර විශ්වවිද්‍යාල ආචාර්යවරුන්ගේ සමිති සම්මේලනය සංවිධාන කරන ලද තවත් උද්ඝෝෂණයක් කොළඹ සෞන්දර්ය විශ්වවිද්‍යාලය ඉදිරි පිටදී පැවැත්වුණා.ජනවාරි වැටුපෙන් අයකරගත් බදු මුදල් නැවත ලබා දෙන ලෙසයි ඔවුන් ඉල්ලා සිටියේ.
මේ අතර බදු ප්‍රතිපත්තියට විරෝධය පල කරමින් ලංකා බැංකු සේවක සංගමය කෑගල්ල දිස්ත්‍රික්කයේ ද විරෝධතාවක් පැවැත්වුවා. මධ්‍යම, වෙළද සංකීර්ණය ඉදිරිපිටදී එය පැවැත්වුණා. කලු ඇදුම් ඇද කලුකොඩි අතැතිව ඔවුන් විරෝධය පල කළා.
නුවර එළිය නගර මධ්‍යයේද කලු පටි පැලැද උද්ඝෝෂණයක් පැවැත්වුණා. එය සංවිධාන කළේ නුවරඑලිය බැංකු සේවක සංගමයයි.උද්ඝෝෂණය පැවැත්වුණේ නුවර එළිය තැපැල් කාර්යාලය ඉදිරිපිටදීයී.
The post අදත් දිවයින පුරා කළු විරෝධතා appeared first on ITN News.
