එංගලන්ත ලයන්ස් පරදා ශ්රී ලංකා ක්රිකට් XI පිල කඩුලු 4 ක ජයක් ලබයි

මෙම ජයග්‍රහණයේ සුවිශේෂීතාව වූයේ පළමු ඉනිමේදී එංගලන්ත ලයන්ස් පිල ශ්‍රී ලංකා ක්‍රිකට් XI කණ්ඩායම හමුවේ ලකුණු 58 කින් ඉදිරියෙන් සිට පරාජයට පත්වීමය. මෙම හඹා යෑමේ පූර්ණ ගෞරවය විශිෂ්ඨ ආරම්භයක් ලබා දුන් ලසිත් කෲස්පුල්ලේට හිමිවන්නේ නිතරගයෙනි. පන්දු 84 කට මුහුණ දුන් දකුණත් ආරම්භක පිතිකරුවා පළමු ලකුනු 50 සදහා පන්දු 46 කට මුහුණ දුන්නද, ශතකය කරා යෑමේදී ඒ සදහා වැය කරන ලද්දේ පන්දු 27 ක් පමණි.

ටොම් හාර්ට්ලිගේ පන්දුවකට සීමා ඉරෙන් ඉදිරියට පැමිණ පහර එල්ල කිරීමට යෑමේදී පන්දුව කෙළින්ම කඩුල්ලේ වැදී ලසිත් දැවී යන විට පන්දු 84 කදී ලකුණු 116 ක් ලබා සිටියේය. ඉන් ලකුණු 90 ක්ම හයේ පහර (5) සහ හතරේ පහර (15) වලින් සමන්විත විය.

කෲස්පුල්ලේට එක්වූ නායක සහන් ආරච්චිගේ තෙවැනි කඩුල්ල වෙනුවෙන් ලකුණු 96 ක් එක් කරමින් දීර්ඝ හඹා යෑමකට අවශ්‍ය අඩිතාලම එක් කළහ. මෙම සම්බන්ධතාව ලයන්ස් පන්දු යවන්නන්ට කෙතරම් හිසරදයක් වී තිබුණේද යන්න හොඳින්ම පෙන්නුම් වූයේ සහන් ආරච්චිගේගේ දැවී යෑමේදී එම කඩුල්ල දවා ගත් ජැක් කාර්සන් එය සමරන ලද ආකාරය දෙස අවධානය යොමු කිරීමේදීද. ඉදිරි පාදයේ ලසිත් එල්ල කරන ලද පන්දුව පෙරළා උඩ පන්දුවක් ලෙසින් කාසන් රැක ගැනීමෙන් පසු කාසල් සමරන ලද්දේ කෑගමින් පමණක් නොව ගුවනට පන්දුව මුසු කරමිනි.

ඔවුන් දෙපළ ලබා දුන් ආරම්භයෙන් පසු තරගය ඉදිරියට රැගෙන ගිය ජනිත් ලියනගේ සහ පසිදු සූරිය බණ්ඩාර හය වැනි කඩුල්ලට පන්දු 53 කදී ලකුණු 73 ක් එක් කරමින් ශ්‍රී ලංකා ක්‍රිකට් XI පිල ජයග්‍රහණය කරා රැගෙන ගියහ. ශ්‍රී ලංකා ක්‍රිකට් XI පරාජය නතර කිරීමට ප්‍රතිවාදී පන්දු යවන්න්න උපරිම උත්සාහය යෙදුවද ලියනගේගේ (@) දැවී යෑමෙන් පසු පිටියට පිවිසි දුෂාන් හේමන්ත පන්දු 14 කදී ලකුණු 23 ක් ලබා ජයග්‍රහණය ඉක්මන් කළේය. තරගය නිමා වන විට සිය අන්තය ආරක්ෂා කර ගත් පසිදු පන්දු @ කදී ලකුණු 52 ක් ලබා සිටියේය.

The post <strong>එංගලන්ත ලයන්ස් පරදා ශ්‍රී ලංකා ක්‍රිකට් </strong><strong>XI</strong><strong> පිල කඩුලු 4 ක ජයක් ලබයි </strong><strong></strong> appeared first on Sri Lanka Cricket.