ගෑස් ගැන ජනපතිගෙන් යෝජනාවක්
ඉදිරි වසර සඳහා එල්පී ගෑස් සපයා ගැනීමේ කොන්ත්රාත්තුවේ මුළු සැපයුමෙන් 50%ක් වර්තමාන සැපයුම්කරු වෙතින් සපයා ගැනීමට ජනාධිපතිවරයා ඉදිරිපත් කළ යෝජනාවට අමාත්ය මණ්ඩල අනුමැතිය හිමිව තිබෙනවා.
ලිට්රෝ ගෑස් ලංකා සමාගම වෙත එල්පී ගෑස් මෙට්රික්ටොන් 280,000ක් සපයා ගැනීම සඳහා වන කාලීන කොන්ත්රාත්තුව දෙසැම්බර් මස 31 වන දිනෙන් අවසන් වීමට නියමිතයි .
ඒ අනුව 2024-2025 කාලසීමාව සඳහා එල්පී ගෑස් සැපයීම සඳහා මේ වන විට ලංසු කැඳවා තිබෙනවා..
එහෙත්, ලිට්රෝ ගෑස් ලංකා සමාගම ප්රතිව්යූහගත කිරීමේ ක්රියාවලිය මේ වන විට ආරම්භ කර ඇති බැවින් නව ගිවිසුම්වලට එළැඹීම එකී ප්රතිව්යූහගතකරණය ක්රියාවලියට අහිතකර ලෙස බලපෑමට ඉඩ ඇති බව පෙනී ගොස් ඇති බැවින් ප්රතිව්යුහගතකරණ ක්රියාවලිය නිම වන තෙක් බාධාවකින් තොරව එල්පී ගෑස් සපයා ගැනීම සඳහා ජනාධිපතිවරයා විසින් මෙම යෝජනාව ඉදිරිපත් කර තිබෙනවා.
The post ගෑස් ගැන ජනපතිගෙන් යෝජනාවක් appeared first on ITN News.