ගම්බිරිගස්වැව ප්රදේශයේ බඩඉරඟු වගාව අති සාර්ථක බව ගොවීන් පවසයි
මෙවර මහ කන්නයේ රජයේ ආධාර මත ක්‍රියාත්මක අනුරාධපුර දිස්ත්‍රික්කයේ ගම්බිරිගස්වැව ප්රදේශයේ බඩඉරිගු වගාව අති සාර්ථක බව ගොවීන් පවසනවා.
බඩඉරිගු වගාව මෙන්ම පළතුරු හා එළවළු වගාවන්ට ද ගොවීන් යොමුවී තිබෙනවා.
එම බඩඉරිගු වගාව නිරීක්ෂණය කිරීමට පාර්ලිමේන්තු මන්ත්‍රී දුමින්ද දිසානායක මහතා එක්ව සිටියා.
කෘෂිකර්ම අමාත්‍යංශය යටතේ ක්‍රියාත්මක කුඩා පරිමාණ කෘෂි ව්‍යවසායකත්ව සහභාගීත්ව වැඩසටහන යටතේ දිස්ත්‍රික්ක පහක අක්කර හතලිස් දහසක බඩඉරිගු වගාකිරීමේ ව්‍යාපෘතියක් මෙවර මහ කන්නයේ දී ආරම්භ කෙරුණා.
ඒ අනුව අනුරාධපුර, හම්බන්තොට, බදුල්ල, මොනරාගල හා අම්පාර යන දිස්ත්‍රික්ක පහ තුළ මෙම ව්‍යාපෘතිය ක්‍රියාත්මකයි.
එමගින් අක්කරයක් වගා කිරීමට ගොවියෙකුට රුපියල් ලක්ෂයකට ආසන්න මූල්‍යාධාර හා වගා කටයුතු සදහා බීජ පොහොර නොමිලේ ලබාදීම සිදුකරනවා.
The post ගම්බිරිගස්වැව ප්රදේශයේ බඩඉරඟු වගාව අති සාර්ථක බව ගොවීන් පවසයි appeared first on ITN News.
