තායිවාන මැතිවරණය පිළිබඳව ඇමරිකානු රාජ්ය දෙපාර්තමේන්තුවේ ප්රකාශයට චීනයේ දැඩි විරෝධය
චීනයේ තායිවාන මැතිවරණය පිළිබඳව ඇමරිකානු රාජ්ය දෙපාර්තමේන්තුව කළ ප්රකාශය චීනය දැඩිව හෙළා දැක තිබෙනවා.
චීන විදේශ අමාත්යාංශ ප්රකාශකයා ඊයේ (14) එම ප්රකාශය පිළිබඳව අදහස් පළ කළා
ඇමරිකානු රාජ්ය දෙපාර්තමේන්තුව කළ එම ප්රකාශය, ‘එකම චීනය’ යන මූලධර්මය සහ චීන-ඇමරිකානු ඒකාබද්ධ ප්රකාශ ත්රිත්වය බරපතල ලෙස උල්ලංඝනය කර ඇතැයි ඒ මහතා කියා සිටියා.
තායිවානය සමග සංස්කෘතික, වෙළඳ සහ සෙසු නිල නොවන සබඳතා පමණක් පවත්වා ගැනීමට ලබා දුන් ප්රතිඥා ඇමරිකාව මෙහිදී දැඩි ලෙස කඩ කර ඇති බවත්, මේ පිළිබඳව චීනය තරයේ විරෝධය පළ කරන බවත් ඔහු ප්රකාශ කළා
‘එකම චීනය’ මූලධර්මයට සහ චීන-ඇමරිකානු ඒකාබද්ධ නිල ප්රකාශ ත්රිත්වයට අනුව ක්රියාකරන ලෙස චීනය ඇමරිකාවෙන් ඉල්ලා සිටිනවා
එමෙන් ම ‘තායිවාන ස්වාධීනත්වයට’ සහාය නොදීම හා තායිවාන ප්රශ්නය මුවාවෙන් චීනයට බාධා නොකිරීම සම්බන්ධයෙන් ඇමරිකානු නායකයන් බොහෝ අවස්ථාවල දී දුන් ප්රතිඥා ඉටුකරන ලෙස ද චීනය ඉල්ලීමක් කරනවා.
The post තායිවාන මැතිවරණය පිළිබඳව ඇමරිකානු රාජ්ය දෙපාර්තමේන්තුවේ ප්රකාශයට චීනයේ දැඩි විරෝධය appeared first on ITN News.