අත්යාවශ්ය සෞඛ්ය සේවා පවත්වා ගැනීමට නාවික හමුදාවේ සහයෝගය ලැබෙයි
රෝහල් වෙතින් අත්‍යවශ්‍ය සෞඛ්ය සේවාවන් ලබා ගැනීමට පැමිණෙන මහජනතාවට සිදු වන අපහසුතාවය මඟ හරවා ගැනීම සඳහා, දිවයිනේ ප්‍රදේශ කිහිපයක රෝහල් වෙත නාවික හමුදා වෛද්‍ය සහයක කණ්ඩායම් අනුයුක්ත කිරීම 2024 පෙබරවාරි මස 01 වන දින සහ අද දින (2024 පෙබරවාරි 02) නාවික හමුදාව විසින් කටයුතු කෙරිණි
ඒ අනුව, නාවික හමුදාධිපති වයිස් අද්මිරාල් ප්‍රියන්ත පෙරේරා ගේ උපදෙස් මත, කොළඹ ජාතික රෝහල, මුල්ලේරියාව මානසික රෝහල, වැලිසර ළය රෝහල, කිරිබත්ගොඩ මූලික රෝහල, කරාපිටිය ශික්‍ෂණ රෝහල, ත්‍රිකුණාමලය මහ රෝහල සහ මැදවච්චිය මූලික රෝහල වෙත මෙලෙස වෛද්‍ය සහයක කණ්ඩායම් අනුයුක්ත කෙරුණු අතර, එම වෛද්‍ය සහයක කණ්ඩායම් මඟින් මහජනතාවට අඛණ්ඩව වෛද්‍ය සේවාවන් සැපයීමට එම රෝහල් කාර්යය මණ්ඩල හා එක්ව කටයුතු කෙරිණි.
තවද, ඕනෑම හදිසි තත්වයකදී මහජනතාවට සහන සැලසීම සඳහා අවශ්‍ය සහාය ලබා දීමට නාවික හමුදාව නිරන්තර සූදානමින් සිටියි.
The post අත්යාවශ්ය සෞඛ්ය සේවා පවත්වා ගැනීමට නාවික හමුදාවේ සහයෝගය ලැබෙයි appeared first on ITN News.
