පොහොට්ටුවෙන් දිනන අපේක්ෂකයෙක් ඉදිරිපත් කරනවා
ඉදිරි ජනාධිපතිවරණය සඳහා දිනන අපේක්ෂකයෙකු ශ්රී ලංකා පොදුජන පෙරමුණෙන් ඉදිරිපත් කරන බව හිටපු ජනාධිපති මහින්ද රාජපක්ෂ මහතා පවසනවා. ඒ මහතා මේ බව ප්රකාශ කළේ වැල්ලවත්ත ප්රදේශයේ පැවති ආගමික වැඩසටහනකින් අනතුරුව මාධ්යවේදීන් නැගු ප්රශ්න කිහිපයකට පිළිතුරු දෙමින් . වත්මන් ජනාධිපතිවරයා තම පක්ෂයේ සහාය මේ වන තෙක් ඉල්ලා නොමැති බවද ඔහු එහිදී සඳහන් කළා. පාර්ලිමේන්තු මන්ත්රී නාමල් රාජපක්ෂ මහතා ජනාධිපතිවරණයකට ඉදිරිපත් වීමට තව කල් සිටිය යුතු බව මහින්ද රාජපක්ෂ මහතා ප්රකාශ කළා. “තරුණ නායකත්වය ඉදිරිපත් කිරීමට බලාපොරොත්තුවක් තියෙනවා ද පොහොට්ටුවේ ? “තරුණ වෙන්න පුළුවන් මධ්යම වෙන්න පුළුවන් දින්න පුළුවන් අපේක්ෂකයෙක් ඉදිරිපත් කරනවා.” නාමල් රාජපක්ෂ මහතාට ජනාධිපති අපේක්ෂකත්වය ලබා දීමට සුදුසු ද? ඔබතුමා බලාපොරොත්තු වෙනවා ද? “මම බලාපොරොත්තු වෙන්නේ නෑ පක්ෂයෙන් තීන්දු කරන්නේ.” එතුමා සුදුසු ද ? “එයා ටිකක් වෙලා ඉන්න ඕනේ.”
The post පොහොට්ටුවෙන් දිනන අපේක්ෂකයෙක් ඉදිරිපත් කරනවා appeared first on ITN News.