වෙළඳුන් නොමග යවමින් මැනිං වෙළඳපොළ ඉඩම විකුණන්නට සැලසුම ක්‍රියාත්මකයි !
මේ වනවිට කොරෝනා වසංගතය හේතුවෙන් වසා දමා ඇති මැනිං වෙළඳපොළට අයත් විශාල වානිජ වටිනාකමක් සහිත ඉඩම විකුණා දැමීමේ සලැසුම සඳහා මැනීම් කටයුතු කරමින් තිබේ.
පිටපළාත්වලින් ගෙන ආ එළවළු තොග මැනිං වෙළඳ සංකීර්ණයට ගෙන ඒම හදිසියේ නවතා ආණ්ඩුවේ බලධාරින් විසින් පියවර ගෙන ඇත්තේ පෙර සැලසුම අන්ව වෙළඳුන් නොමැති අතරවාරයේ ඉඩම ඔවුන්ගෙන් උදුරා විකුණා දැමීමටය.
කොරෝනා හේතුවෙන් වසා දමා ඇති මැනිං වෙළඳ සංකීර්ණයේ පුරාවිද්‍යාත්මක වටිනාකමක් සහිත ගොඩනැගිලිවල කඩකාමර 1200ක් පමණ තිබේ. එම ගොඩනැගිලි ඉවත්කර මෙම ඉඩම විකුණා දමන්නට ආණ්ඩුව නාගරික සංවර්ධන අධිකාරිය මගින් පියවර ගෙන ඇති අතර ගුවන් හමුදා සහායෙන් මැනීම් කටයුතු ආරම්භකර ඇත.
මේ වනවිට පෑලියගොඩ වෙළඳපොළ සංකීර්ණයට වෙළඳුන් යොමුකරන්නට සූදානම් බවක් පැවසුවද පෑලියගොඩ සංකීර්ණයේ වෙළඳසල් ආණ්ඩුවේ බලවතුන්ගේ හිතවතුන්ට වෙන්කර ඇත. මැනිං වෙළඳ සංකීර්ණයේ වෙළඳුන් බෝකුන්දර ප්‍රෙද්ශයේ වෙනත් වෙළඳ සංකීර්ණයක් වෙත පළවා හැරීමේ අරමුණකින් ආණ්ඩුව කටයුතු කරන බවද මැනිං වෙළඳ සංකීර්ණයේ වෙළඳන් චෝදනා කරති.
The post වෙළඳුන් නොමග යවමින් මැනිං වෙළඳපොළ ඉඩම විකුණන්නට සැලසුම ක්‍රියාත්මකයි ! appeared first on Lanka Views | Views of the truth.
