කලම්බු කින්ග්ස් කණ්ඩායමට ලකුණු 6 ක තියුණු ජයක්
ලංකා ප්රිමියලීග් ක්රිකට් තරගාවලියේ කලම්බු කින්ග්ස් හා ජැෆ්නා ස්ටැලියන්ස් අතර තරගයෙන් ලකුණු 6 ක තියුණු ජයග්රහණයක් හිමිකර ගැනීමට කලම්බු කින්ග්ස් ක්රීඩකයින් සමත්වුණා. ලකුණු 174 ක ඉලක්කයක් හඹාගිය ජැෆ්නා ස්ටැලියන්ස් කණ්ඩායමට පන්දුවාර 20 අවසානයේ ලබාගත හැකිවුණේ ලකුණු 167 ක් පමණයි.
කාසියේ වාසියේ දිනූ ජැෆ්නා ස්ටැලියන්ස් කණ්ඩායම පළමුවෙන් පන්දුවට පහරදීමට කලම්බු කින්ග්ස් කණ්ඩායමට ආරාධනා කළා. ඒ අනුව පිටියට පිවිසි කලම්බු කින්ග්ස් කණ්ඩායමේ පළමු කඩුල්ල ලෙස දිනේෂ් චන්දිමාල් ලකුණු 11 කට දැවීගියා. බෙල් ඩ්රමන්ඩ්ට ලබාගත හැකි වුණේ ලකුණු 12 ක් පමණයි. දැකුම්කලු ඉණිමක් ක්රීඩා කළ ලෝරි ඉවන්ස් නොදැවී අගනා ලකුණු 108 ක් ඉණිමට එක්කළේ හයේ පහර 5 ක් සහ හතරේ පහර 9 ක් සමගයි.
මීළග තරගය ලෙස ගෝල් ග්ලැඩියේටර්ස් සහ කැන්ඩි ටස්කර්ස් තරගවදින්නේ රාත්රී 8.00ටයි. තරගාවලියේ සජීව තරග උණුසුම ස්වාධීන රූපවාහිනි මාධ්ය ජාලයේ වසන්තම් ටීවී ඔස්සේ ඔබට විදගත හැකියි.
The post කලම්බු කින්ග්ස් කණ්ඩායමට ලකුණු 6 ක තියුණු ජයක් appeared first on ITN News.