විදේශගත ලාංකියන්ගේ කොරෝනා මරණ 95 වුවත් ආණ්ඩුව මර නින්දේ !
කොරෝනා ව්‍යාප්තවීම නිසා විදේශ රටවලදී ප්‍රතිකාර නැතිව හෝ බලධාරින්ගේ නොසළකා හැරීමෙන් මියගියවුන් ගණන ඉහළ ගොස් ඇත.
මේ වනවිට විදේශගත ලාංකිකයන් අතරින් කොරෝනා රෝගයෙන් මියගියවුන් 95ක් බව නිල වාර්තා පවසයි. ඒ අතුරින් බහුතරය මැදපෙරදිග රටවලදී නිසි ප්‍රතිකාර හෝ සාත්තු කටයුතු නොමැතිව මිය ගියවුන් බව පැවසේ.
නිරෝධායන මධ්‍යස්ථානවල ඉඩකඩ නැති බව පවසමින් මෙසේ විදේශවල අසරණව සිටි ලාංකිකයන් නොසළකා හැරීම නිසා කොරෝනා රෝගයට මෙන්ම හෘදයාබාධ වැනි තත්වයන් නිසා දැඩි දුෂ්කරතා විඳි සහ මිය ගියවුන් සම්බන්ධයෙන් මාධ්‍ය වාර්තා පළ විය.
ලංකාවේ ජාතික ආදායමෙන් වාර්ෂිකව බිලියන 7කට වැඩි ආදායමක් උඵයා දෙන විදේශගත ශ්‍රමිකයන් විශේෂයෙන් මැදපෙරදිග ගෘහ සේවිකාවන් මෙරටට ගෙන්වා නොගැනීම සම්බන්ධයෙන් ඥාතීහු ආණ්ඩුව හමුවේ දුක් අඳෝනා නගන නමුත් ‘රටවිරුවන්’ ලෙස හංවඩු ගැසීමක් මිස ඔවුන්ට නිසි අවධානයක් ලබාදෙන්නට බලධාරින් සමත්ව නැත.
විදේශයන්ගේ සිට පැමිණෙන ලාංකියන් අරාබි රටවලින් මෙරටට එවන ‘මරාගෙන මැරෙන බෝම්බ’ ලෙස හඳුන්වන්නට පවා මහින්දානන්ද අලුත්ගමගේ ඇමතිවරයා කටයුතු කළේ එම ලාංකිකයන් මෙරටට ගෙන්වීමේදී ආණ්ඩුවට දරන්නට සිදුවන වියදම මගහැර යාමටය. දැනටත් එසේ මෙරටට ගෙන්වන ලාංකිකයන්ගෙන් රුපියල් ලක්ෂ ගණන් අයකරනුයේ ගුවන් යානාවල දුරස්තභාවයෙන් ගෙන්වන්නට සහ නිරෝධායන කටයුතුවලට බව කියනු ලැබේ.
එසේ ගෙන්වන පිරිස නිරෝධායනය කිරීමට ස්ථාන නැති බවද හේතු වශයෙන් දක්වන ලදී, කොරෝනා අරමුදල වැනි විශාල ධනයක් වසංගත කාලයේ එකතු වුවද විදේශ විනිමය උපයන ලාංකිකයන් වෙනුවෙන් එම අරමුදලින් කිසිදු මුදලක් වෙන්කර නැත. මේ වනවිට කෝටි 1600කට වැඩි මුදලක් උඵයාගෙන ඒයින් වැයකර ඇත්තේ කෝටි 400ක් පමණි.
The post විදේශගත ලාංකියන්ගේ කොරෝනා මරණ 95 වුවත් ආණ්ඩුව මර නින්දේ ! appeared first on Lanka Views | Views of the truth.
