කොළඹ අගනගර නාගරික සංවර්ධන ව්යාපෘතියේ වැඩ කඩිනම් කිරීමට උපදෙස්
කොළඹ අගනගර නාගරික සංවර්ධන ව්යාපෘතියේ ඉතිරි කටයුතු කඩිනමින් අවසන් කිරීමට පියවර ගන්නැයි අමාත්ය ප්රසන්න රණතුංග මහතා අදාළ නිලධාරීන්ට උපදෙස් ලබාදුන්නා.
කොළඹ අගනගර නාගරික සංවර්ධන ව්යාපෘතිය යටතේ උප ව්යාපෘති 55 ක් ක්රියාත්මකයි. නාගරික සංවර්ධන අධිකාරිය ශ්රී ලංකා ඉඩම් ගොඩකිරීමේ සංස්ථාව හා කොළඹ මහ නගර සභාව එක්ව එම ව්යාපෘති ක්රියාවට නංවා තිබෙනවා. ව්යාපෘතිය යටතේ පොම්පාගාර 3ක වැඩ අවසන්කර තිබෙනවා. නව මුතුවැල්ල උමග හා ටොරින්ටන් උමග වැසි ජලාපවහන උමං මාර්ග ද මේ වනවිට ඉදිකර අවසන් බවයි නාගරික සංවර්ධන හා නිවාස අමාත්යංශය පවසන්නේ. මාර්ග සහ ඇළ හැරවුම් යෝජනා ක්රම වැඩිදියුණු කිරීම, තෙත් බිම් උද්යාන හා රේඛීය උද්යාන සංවර්ධන ඇතුළු ව්යාපෘති රැසක් ක්රියාත්මකයි. ඒවායෙහි ඉතිරි කටයුතු නිමකිරීම සදහා මේ වසරේ වෙන්කර ඇති මුදල රුපියල් මිලියන 457 ක්. කොළඹ ජල ද්රෝණියේ ජල පෝෂක ප්රදේශවල ගංවතුර අවම කිරීම මෙම ව්යාපෘතියේ ප්රධාන අරමුණ බවයි අමාත්ය ප්රසන්න රණතුංග මහතා පවසන්නේ.
The post කොළඹ අගනගර නාගරික සංවර්ධන ව්යාපෘතියේ වැඩ කඩිනම් කිරීමට උපදෙස් appeared first on ITN News.