චීන ජනපති සහ ඇමරිකානු රාජ්ය ලේකම්වරයා අතර හමුවක්

චීන ජනාධිපති ෂී ජින්පිං මහතා ඇමරිකානු රාජ්‍ය ලේකම් Antony Blinken මහතා හමු වී තිබෙනවා.

ඒ අද(19) පස්වරුවේ චීනයේ බෙයිජිං නගරයේ මහජන මහ ශාලාවේදී යි.

චීන පුරවැසියන් ඇමරිකානු පුරවැසියන් සේම, ආත්ම අභිමානයෙන්, ආත්ම විශ්වාසයෙන් හා ස්වශක්තියෙන් යුත් පුරවැසියන් බවත් සුන්දර ජීවිතය ගත කිරීමේ අයිතිය ද දෙරටේම ජනතාවටම හිමි බවත් චීන ජනාධිපතිවරයා එම හමුවේදී කියා තිබෙනවා.

ඒ සම්බන්ධයෙන් වන වැඩිදුර තොරතුරු පහතින්

“දෙරට අතර පවත්නා පොදු අවශ්‍යතා පිළිබඳව වැඩි අවධානයක් යොමු කළ යුතුය. දෙපාර්ශ්වයේම සෑම ජයග්‍රහණයක්ම, එකිනෙකාට අවස්ථාවක් මිස තර්ජනයක් නොවේ. ඉතිහාසයට, ජනතාවට හා සමස්ත ලෝකයට වගකියන ආකල්පයක සිට ද්විපාර්ශ්වික සම්බන්ධතාවය මනා ලෙස පාලනය කරමින් වෙනස් වෙමින් ඉදිරියට යන ලෝකයට ස්ථාවරත්වය, නිශ්චිතභාවය සහ නිර්මාණශීලී සංවර්ධනය මුසු කිරීමට දෙරටම වෑයම් කළ යුතුය.

ඇමරිකාවේ අවශ්‍යතාවන්ට ගරු කරන චීනය, එරටට අභියෝග කිරීමට හෝ යම් ආකාරයක ‍ආදේශ කිරීම් සිදු කිරීමට කිසිවිටක උත්සාහ නොකරයි. එලෙස ඇමරිකාව ද චීනයට ගරු කළ යුතු අතර චීනයේ සාධාරණ අයිතිවාසිකම් සහ අවශ්‍යතාවලට හානි නොකළ යුතු බව ද ෂී ජින්පිං ජනාධිපතිවරයා පැවසීය.

ඇමරිකා-චීන ද්විපාර්ශ්වීය සම්බන්ධතාවය මනාව පාලනය කිරීම දෙරටේම වගකීමක් බවත්, එය සිය රටේත් චීනයේ මෙන්ම සමස්ත ලෝකයේත් අවශ්‍යතාවයන්ට ගැලපෙන බවත් ජෝ බයිඩන් ජනාධිපතිවරයා විශ්වාස කරන්නේ යැයි ඇමරිකානු රාජ්‍ය ලේකම්වරයා එහිදී පැවසීය.

‘නව සීතල යුද්ධයක්’ නිර්මාණය නොකිරීම, චීනයේ දේශපාලන ක්‍රමය වෙනස් කිරීමට උත්සාහ නොකිරීම, සන්ධානගත සම්බන්ධතාවයන් ශක්තිමත් කිරීමෙන් චීනයට ‍එරෙහිවීමට ප්‍රයත්න නොදැරීම, තායිවාන ප්‍රදේශයේ ස්වාධීනත්වයට අනුබල නොදීම සහ චීනය සමග කිසිදු ගැටුමක් ඇති කර ගැනීමට අපේක්ෂා නොකිරීම යන  බයිඩන් ජනාධිපතිවරයා ලබා දුන් පොරොන්දු සිය පාර්ශ්වය අනුගමනය කරනු ඇත. චීනය සමග උසස් පෙළේ සම්බන්ධතා පවත්වමින්, වගකීමෙන් යුතුව මතභේද පාලනය කරමින් සංවාද හා සහයෝගිතා තවදුරටත් පුළුල් කිරීමට අපේක්ෂා කරන බව ද ඇමරිකානු රාජ්‍ය ලේකම් Antony Blinken මහතා එහිදී ප්‍රකාශ කර ඇත.

The post චීන ජනපති සහ ඇමරිකානු රාජ්ය ලේකම්වරයා අතර හමුවක් appeared first on ITN News.