ඩෙංගු යළි හිස ඔසවයි
ඩෙංගු රෝගය යළි ව්‍යාප්ත වෙමින් පවතින බවට සෞඛ්‍ය අංශ අනතුරු අඟවනවා.
කොළඹ මහ නගර සභා බල ප්‍රදේශයෙන් පමණක් ඩෙංගු බවට සැකකළ හැකි රෝගීන් 3465 දෙනෙකු හමුවී ඇති බව ප්‍රධාන සෞඛ්‍ය වෛද්‍ය නිලධාරී රුවන් විජයමුණි මහතා පවසනවා.
මෝසම් වැසි සමඟ ඩෙංගු රෝග තත්ත්වය වර්ධනය වෙමින් පවතිනවා.
ගත වු මාස 11 තුළ දිවයිනෙන් ඩෙංගු රෝගීන් 75,712 දෙනෙකු වාර්තා වී තිබෙනවා.
ඉන් වැඩිම සංඛ්‍යාවක් වාර්තා වී ඇත්තේ කොළඹ දිස්ත්‍රික්කයෙනුයි.
එම සංඛ්‍යාව 16,019ක්.
ගම්පහ දිස්ත්‍රික්කයෙන් රෝගීන් 14,964 දෙනෙකු වාර්තා වී තිබෙනවා.
කොළඹ නගරය තුළ ඩෙංගු රෝගීන් වර්ධනය වීමේ ප්‍රවණතාවක් දක්නට ලැබෙන බවයි කොළඹ මහ නගර සභාවේ ප්‍රධාන සෞඛ්‍ය වෛද්‍ය නිලධාරී රුවන් විජයමුණි මහතා පවසන්නේ.
මේ අතර කොළඹ නගරයෙන් මන්දපෝෂණ තත්ත්වයේ පසුවන දරුවන් වාර්තා වී ඇති බව ද වෛද්‍යවරයා ප්‍රකාශ කළා.
The post ඩෙංගු යළි හිස ඔසවයි appeared first on ITN News.
