United States Virginia change
Sri Lanka Breaking News
Sri Lanka parliament
vivalankaSri Lanka newsSri Lanka businessSri Lanka sportsSri Lanka technologySri Lanka travelSri Lanka videosSri Lanka eventssinhala newstamil newsSri Lanka business directory
vivalanka advertising
Menu
Stay Connected
facebooktwittermobile
Popular Searches
T20 World Cup
Sponsored Links
Sri Lanka Explorer

ශ්‍රී ලංකා එක්දින කණ්ඩායම සෙනසුරාදා බංග්ලාදේශයට

Jan 12, 2018 3:17:02 AM - srilankacricket.lk

Thanathillen Eha_1

බංග්ලාදේශයේ දී මේ මස 15 වැනිදා ආරම්භ වන ශ්‍රී ලංකා – බංග්ලාදේශ – සිම්බාබ්වේ තුන්කොන් එක්දින ක්‍රිකට් තරගාවලියට සහභාගි වන ඇන්ජලෝ මැතිව්ස්ගේ නායකත්වයෙන් යුත් ක්‍රීඩකයන් 16කගෙන් සමන්විත ශ්‍රී ලංකා ක්‍රිකට් කණ්ඩායම සෙනසුරාදා (13) බංග්ලාදේශය බලා පිටත්ව යති.

මේ තරගාවලියට එක්දින තරග හතක් ඇතුලත් වන අතර, මූලික වටයේ දී එක් කණ්ඩායමක් අනෙක් කණ්ඩායම් හා තරග දෙකක් බැගින් තරග හයකට සහභාගි වේ.  ලීග් ක්‍රමයට මූලික තරග පැවැත්වීමෙන්  පසු ඉදිරියෙන් සිටින කණ්ඩායම් දෙක ජනවාරි 27 වැනිදා ඩකාහිදී අවසාන මහා තරගයට සහභාගී වේ.

ඇන්ජලෝ මැතිව්ස් (ශ්‍රී ලංකාව) මෂ්රෆි මොටාසා (බංග්ලාදේශය) හා ග්‍රේම් ක්‍රීමර් (සිම්බාබ්වේ) කණ්ඩායම් තුනේ නායකත්වයන් දරති.  ජාත්‍යන්තර ක්‍රිකට් කවුන්සලයේ එක්දින කණ්ඩායම් ශ්‍රේණිගත කිරීමේදී දැනට බංග්ලාදේශය හත්වන ස්ථානයේත් ශ්‍රී ලංකාව අටවන ස්ථානයේත් සිම්බාබ්වේ නවවන ස්ථානයේත් පසුවෙති.  2019 ලෝක කුසලාන ක්‍රිකට් තරගාවලියට තව මාස 18ක් පමණක් ඉතිරිව ඇති හෙයින් ඊට පෙරහුරුවක් ලෙසට මෙවැනි තරගාවලියන් ඉතා වැදගත් වේ.

ශ්‍රී ලංකා කණ්ඩායමට මේ තරගාවලිය කිහිප අතකින් වැදගත් වේ.  නව ප්‍රධාන පුහුණුකරු චන්දික හතුරුසිංහගේ උපදෙස් මත ප්‍රථමවරට තරගාවලියකට සහභාගිවීම, මාස ගණනාවකට පසු ඇන්ජලෝ මැතිව්ස් නැවත කණ්ඩායමට නායකත්වය දීම ප්‍රධානම කරුණුය.  හතුරුසිංහ මෙයට පෙර බංග්ලාදේශ කණ්ඩායමේ ප්‍රධාන පුහුණුකරු ලෙස ක්‍රියා කළ අතර, ඔහුගේ ප්‍රථම සංචාරය ලෙස බංග්ලාදේශටම යාමට සිදුව ඇත.  ශ්‍රී ලංකා කණ්ඩායම 2017 වසරේ දී ශ්‍රී ලංකාවේ දී මේ කණ්ඩායම් දෙක සමගම තරග වැදී තිබේ.  එහි දී ලංකා පිල සිම්බාබ්බේ වෙතින් 3-2කින් පරාජයට පත් වූ අතර, බංග්ලාදේශය සමග තරගාවලිය 1-1 කින් සමවිණි.

2009 වසරේ දී මේ කණ්ඩායම් තුනම බංග්ලාදේශයේ තරග වැදුණු අතර, එහිදී සුරතාව දිනා ගත්තේ ශ්‍රී ලංකාවයි.  ශ්‍රී ලංකාව මෙවර තරගාවලියට පසුගිය මාස කිහිපයට වඩා වෙනස් අයුරකින් මුහුණ දෙන හෙයින් තරගාවලියේ වැඩි වාසි අත්කරගැනීමට ද ඉඩ තිබේ.  ශ්‍රී ලංකා කණ්ඩායම 17 වැනිදා සිම්බාබ්වේ සමගත් 19 වෙනිදා බංග්ලාදේශය සමගත් 21 වැනිදා සිම්බාබ්වේ සමගත් 25 වැනිදා නැවත බංග්ලාදේශ සමගත් මූලික වටයේ දී තරග කරති.

ශ්‍රී ලංකා කණ්ඩායම – ඇන්ජලෝ මැතිව්ස් (නායක), උපුල් තරංග, ධනුෂ්ක ගුණතිලක, කුසල් මෙන්ඩිස්, දිනේෂ් චන්දිමාල්, කුසල් ජනිත් පෙරේරා, තිසර පෙරේරා, අසේල ගුණරත්න, නිරෝෂන් දික්වැල්ල, සුරංග ලක්මාල්, නුවන් ප්‍රදීප්, දුෂමන්ත චමීර, ෂෙහාන් මධුශාන්, අකිල ධනංජය, ලක්ෂාන් සඳකැන්, වනිඳු හසරංග.

– බන්දුල මොල්ලිගොඩ –

-The opinions expressed here are the views of the writer and do not necessarily reflect the views and opinions of Sri Lanka Cricket-